Merihistuurialinen myseymmi

Sjöhistoriska museet (Merihistuurialinen myseymmi) peilaa Ruottin kulttuurihistuuriata merelä ja rannikolla näyttelyitten, toiminoitten, tutkimuksitten, opetuksen kautta ja kerräämällä kapenheita joila on merikosketus. Myseymmi on Ladugårdsgärdenillä, Tukholmassa, ja se vihithiin 1938. Sillon tuli loppu 40 vuen keskustelusta merihistuurialisesta myseymmistä Tukholmhaan. Yhistys Sveriges Sjöfartin (Ruottin merenkulku) merialan kokoelmat sait viimen vakituisen osotheen. Kokoelmat oli siiretty vuosikausia, ja muun muassa olheet näyttelyssä nykysin allepantussa Sjöfartsmuseumissä (Merikulkumyseymmi), Skeppsbronila. Kaupunkin merisotahistuurialiset kokoelmat sait kans nyt koin. Kokoelmat, jokka muun muassa olit asheita ja laivamallia oli näytetty viimiseks mailmannäyttelyssä just vastarakenetun myseymmin laijala.

Myseymmirakenuksen on Ragnar Östberg riitanu. Se tuli voittajaks missä kolme tarkoin valitut arkkitehtit olit kilpailheet tehtävästä. Myseymmi on riitattu klassisistisessä tyylissä missä on gustavilaisia esikuvia. On olemassa kans jälkiä fynksjunalismista kuin yksinkertaisuus ja valosat puhthaat pinnat.

Sjöhistoriska museummilä Ragnar Östberg pani ankkurin kaupunki kuvhaan sekä kirjaimelisesti ja kuvaalisesti puhuttu. Katto karttaa yli Tukholman ja sie tulet löytämhään ette Sjöhistoriska muotoilee ankkurin kaupunkintalon kans, jonka Ragnar Östberg on kans riitanu. Sjöhistoriskan suijutut flyykelit on saahneet ankkurin siipitten mallin ja Kaupunkitalo ankkurin nokan.