Mearrahistorjjálaš musea

Mearrahistorjjálaš musea govveda ruoŧa kulturhistorjjá jávrriin ja mearragáttiin čájehusaid, doaimmaid, dutkamiid, oahpahusa bokte ja dávviriid čoaggima maritima čatnosiin. Musea lea Ladugårdsgärdetis Stockhoalmmas ja rahppui 1938.Dalle 40 jagi ságastallamat mearrahistorjjálaš musea birra loahpahuvvui ja searvi Sveriges Sjöfarts marina samlingar viimmat oaččui fásta čujuhusa. Čoakkálmasat ledje johtán birra máŋggaid jagiid, ja earret iežá vuosehan dan dál heaittihuvvon Sjöfartsmuseuma Skeppsbronas. Maid stáhta mearrasoahtehistorjjálaš čoakkálmasat ožžot dál ruovttu. Čoakkálmasat, mat earret iežáin ledje vearjjut ja fanasmodeallat ledje maŋemusat čájehuvvon máilbmečájehusas jur dan ođđa huksehuvvon musea bálddas.

Museahuksehusa Ragnar Östberg lea sárgon. Son vuittii gilvvu gos golbma válljejuvvon arkiteavtta ledje gilvalan gohččuma ovddas. Musea lea sárgojuvvon klassisisttalaš hámiin gustavianalaš ovdagovaiguin. Gávdnojit luottat funkšunalismmas álkitvuođas ja čuvges buhtis olggožiiguin.